АХИРХАН

тэмд. н. 1) һулахан, хүсэгүй (слабенький): Ахирхан Гунгар мяхалиг тарган Шагдарые арайхан даана (Ч. Цыдендамбаев); ахирхан хоолой арай дуулдахаар һула хоолой (слабый голосок): Ойрохи хүниинь ханяажа хахажа дүүргээд … амияа даруулжа ядаһан ахирхан хоолойгоор асууба (Б. Мунгонов); 2) ѳѳдэгүй, хайшаашье хэрэггүй, муу (никудышный, негодный, жалкий): – Алагдаагүй ангайнгаа мяха хубаажа байха ахирхан лэ амитад байнат даа (Ц. Шагжин); 3) хомор, бага, тулюурхан, шадалгүйхэн (недостаточный, скудный, ущербный, небогатый, несостоятельный): – Ахирхан салинтай ангуушан харуулшан хоёр гээшэлди… (Б. Мунгонов); ахирхан шанартай муу шанартай (низкокачественный): Шэрэжэ, хуһанай һүүдэртэ оруулаад, тэргэ дээрэһээ эгээл үнэгүй, ахирхан шанартай архи асаржа, хүбүүнэй ама уруу шудхабад (Ч. Цыдендамбаев).