АСУУРИНАР

юум. н., хууш. монг. тэнгэри буса, будд. огторгойн, газар дэлхэйн болон газар дорохи – эдэ гурбан юртэмсэдэ зургаан зүйл амитан оршодог гэбэл: тэнгэри бурхад, хүнүүд, амитад, асууринар, бэрид ба тамынхид болоно. Асууринар ѳѳhэд хоорондоо ото хёморолдожо байдаг, дайсан харша hүнэhэд гэжэ харагдадаг. Тэдэ тэнгэри, газарай хоорондо Сүмбэр уулын агыда оршодог. Хүн амитад нүгэлэйнгѳѳ зэргээр асууришье болоод түрэжэ болоно (асуры, небесные демоны, агрессивные существа); асуурын хаан юртэмсын түмэн бодосые бүтээhэн домогтой. Табан толгойтой байhыень нэгыень Шива тэнгэри хаха сохиhон гэнэ. Тиимэhээ дүрбэн зүг хаража, дүрбэн мутартаа ведэ судар, лёнхобо, халбага, эрхи бариhан дүрэтэй байдаг (хан асуриев).