АРЫН

тэмд. н. 1) хойто, ара талын, арадахи (задний): Приказчигай арын таг дээгүүр сай, хажуур, эд бүд гэхэ мэтэ хэрэгсэлнүүд дэлгээтэй (Б. Санжин, Б. Дандарон); арын үүдэн нюуса үүдэн (чёрный ход): Тиигээд ехэ гэрэй арын үүдээр ороһоор, үүдэеэ хаб-яб гэтэр хаана (Ч. Цыдендамбаев); 2) дайлалдажа байһан газарай хойто тээхи талын (тыловой): Урдань арын хүдэлмэридэ ябахадаа, Архангельскда хүнэй хүлые иигээд уяжа байхыень харагша һэм (Б. Мунгонов); 3) хойто талын, хойнохи, хойто зүгэй (северный): Арын булгад үбэрэй хүбшэдэ нүүжэ эхилээ (Д.-Д. Дугаров); Арын арбан гурбан ноёд.