АНЮУЛХА

үйлэ ү., идх. залог 1) нюдыень хаалгаха (закрыть кому-л. глаза, заставить закрыть глаза): Буян мүргэлэй түлѳѳ малаа үргѳѳбди! — гэжэ хэлэжэ байгаад, Наваан-Чингиз үхэһэн һамганайнгаа хараатай нюдыень эльбэжэ анюулна (Д. Батожабай); Нюуха юумэеэ харуулхагүй гэжэ нюдыень таһа анюулаад һуулгаба; 2) шэлж. алаха (убивать): Заяахан нэтэрүү шоные анюулжа, буруугаа татуулһан үһѳѳгѳѳ абаһандаа, хананги үлэбэ (Ц.-Д. Хамаев); нюдэ анюулха алаха, хюдаха (убивать): – Тэргэ, шаргадашье тээжэ асараа һаамни, баахалдайн нюдэ анюулжа шадахагүйлши даа, айхалши (Б. Мунгонов).