АНДА

юум. н. 1) дүтын хани нүхэр (близкий друг, приятель, товарищ): Аяар холын нютагууд / анда хүршэ болонхой (Д. Улзытуев); анда нүхэр дүтын һайн нүхэр (близкий друг): Тиигээд хэдэн үдэр хамта байхадаа, анда нүхэд боложо, бэе бэеэ хүсэд ойлголсодог болобо (Б. Санжин, Б. Дандарон); анда танил боох. нүхэр (знакомый, друг); 2) хууш. эрхим юумэ андалдажа, тусхай ёһо үнгэргэжэ тангариг үгэһэн хүн (побратим, названый брат): Жэшээнь, анда Джамухаяа хэдэн удаа хүлисэжэ, нэгэн һаналтай, хамтадаа ябуулдаг үйлэ хэрэгүүдтэй болохые яһала оролдоод үзѳѳ (Ш.-Н. Цыденжапов); анда манда худанар (сваты); анда худа басага гү, али хүбүүгээ андалдажа ороһон худа (взаимные сваты): Алайр Боохон гэхэгүй анда худа болоолди (Х. Намсараев).