АМАТА

тэмд. н. 1) аматай, хушуутай – шубуун тухай (имеющий рот, клюв – о птице): Ехэ амата ангаахайнууд уурхай соогоо пишаганалдана; 2) нүхэтэй, амһартай (имеющий отверстие); хоёр амата хоёр сэмгэтэй буу (двустволка): – Ганса аматын мохоошье һаань, гар бэрхэтэ юунһээ гээгдэхэб, хоёр аматын хурсашье һаань, хооһон ангуушад буу ан хоёроо шудалха ёһотой байна бшуу! – гээд үгэеэ дүүргэбэ (Х. Намсараев); нэгэ амата нэгэ сэмгэтэй буу (одностволка): Балта таабай нэгэ аматаяа үүдэнэй хажууда түшүүлээд, бѳѳтэй зэргэлэн һуужа, гааһаяа гаргаад, яаралгүйхэн тамхяа нэрэбэ (М. Осодоев); бага амата багахан һомотой, нарин сэмгэтэй (5,6 мм) жэжэ амита агнахада, спортын урилдаанда хэрэглэгдэдэг буу (малокалиберная винтовка).