АЛГАД

алагад наречи ходо, алад, хажуугаар, саагуур, холуур (через, мимо): Би нюдѳѳ нэгэ мүрһѳѳнь нүгѳѳдэдэнь, заримдаа алгад гүйлгэн байжа, нэгэ амяар дууһыень уншажархибаб (А. Жамбалдоржиев); алгад гараха а) хажуугаарнь гараха, алгадаад гараха (проходить мимо, обходить): Долгормаа Доржын хажууда тогтонгүй, алгад гарашаба (А. Ангархаев); б) заримыень орхижо, саанань гараха (перескочить): …баһа һаалишадые, хонишодые, колхозой тоосоо бүридхэл эрхилжэ байһан хүнүүдые алагад гараагүй шэнги байдаг һэн (Ж. Балданжабон); алгад гэшхэхэ (гү, али алхаха) дээгүүрнь алхан гараха, ябаха (перешагнуть): Буда үйлсын нүгѳѳ хажуугаар, ехэ ехээр шалбаагхануудые алгад алхаһаар, тэдэндэ мэдэгдэнгүй ходоржо гарахаар шамдана хаш… (А. Ангархаев); алгад шэдэхэ бүри саашань, алад, холуур шэдэхэ (кидать мимо, далеко): Хара мондинууд даһаа, – гээд, Дондог тэрэ бутылкаяа тэдээн дээгүүр алгад шэдэжэрхинэ (Ц.-Ж. Жимбиев); алгад хараха (гү, али гэтэхэ) дээгүүр хараха (смотреть мимо): Илдам хальмаг хүүхэн … баруун мүр дээгүүрни алгад харан, уйтахан сэбэр нюдэеэ халта сабшалаад, минии һанаанда ороогүй юумэ хэлэбэ (З. Гомбожабай); Халюурма талые алагад гэтэнэ (Ц.-Д. Дондокова).