АДЛИ

1. тэмд. н. 1) илгаагүй, түһѳѳтэй, зэргэ, тэнсүү (подобный, похожий, одинаковый, аналогичный): Адли басагад газар дэлхэйдэ олон байдаг ха юм (А. Жамбалдоржиев); тон (гү, али нэгэн) адли яаха аргагүй, яг ойро, тэнсүү (совсем одинаковый): Теэд бүхы эрбээхэйнүүд соо тон адли хоёрхоншье эрбээхэй байгаагүйл бэзэ даа (Ч. Цыдендамбаев); Юундэ юрэл ерээд лэ, тэрээн бүхэндэ нэгэн адли шэгтэйгээр намайгаа эдлээд, бэеэ ханаһан шэгтэй ябанаш? (Ц. Цырендоржиев); адли болохо шанар шэнжээрээ ойро болохо (быть похожим): Нохой лама хоёрой һэшхэл эгээ мүнѳѳ адли болобо бшуу (Д. Батожабай); адли болгохо адли болгохо, тааруу, нэгэ түһѳѳтэй (хэмжээтэй, тоотой) болгохо (уравнивать, уподоблять): Тиимэһээ хүн бүхэниинь ѳѳһэдынгѳѳ һанамжые хэлэжэ, тэрэ комплексые ямар нэгэн комбинат, заводтол адли болгохо ёһотойбди гэлсэнэд (Ц.-Ж. Жимбиев); адли тэгшэ хүсэд, дүүрэн зэргэ (в полной мере): Бүүбэйн Дармада агнаха шадабари адли тэгшэ бии ха юм (Д.-Д. Дугаров); адли эрхэтэй тэгшэ эрхэтэй (равноправный): Эндэ һуугшад бүгэдэ адли эрхэтэй, адли зэргэтэй байха зон болонобди (С. Норжимаев); адли бодолто һанал нэгэнтэй хүнүүд (единомышленники); адли ташаата гурбалжан тоо б. хажуу талаараа тэнсүү гурбан буланта (равнобедренный треугольник); адли хажуута гурбалжан тоо б. тэнсүү хэмжүүртэй талатай гурбан буланта (равносторонний треугольник); 2. наречи 1) илгааруулхагүйгѳѳр, тэнсүүгээр (одинаково, равно): Эхэ хүнэй зүрхэн адли хайрлаха байна даа (Ч. Цыдендамбаев); 2) нэгэ доро, зэргэ, бултаараа, гансата (одновременно, разом, вместе): Гайхаһан үбгэжѳѳл һѳѳргѳѳ ерэжэ, аша хүбүүнтэеэ үрдилдэн байжа, адли аргадалсаба (Д. Эрдынеев); 3. дахуул ү. 1) шэнгеэр, мэтээр, хэбээр, хамта хэрэглэгдэһэн үгынгѳѳ хойно няалдан, -дал, -дли суффикс болошодог (подобно, словно, точно): Таня мүнѳѳшье налархай зантайгаар, урдынхидаал адли эльгэ нимгэтэйхэнээр үзэгдэнэ (Ч. Цыдендамбаев); Сэсэгни ялаганаһан тоһолиг, шаб шара нарандли (Буряад Yнэнһѳѳ); бусадаар адли бусадтай хамта (наравне со всеми): Малгайн оройдол адли шобхо үндэр хадын оройдо Доржо бусадаар адли гаража шадаагүй (Ч. Цыдендамбаев); 2) хамта, тэрэ дороо, сагтаа (как только, лишь только): Минжурай доошоо болохотой адли, толгой дээгүүрнь һомонууд хииганалдаба (Ж. Тумунов); 4. хэлэгшын үүргээр хэрэгл. шэнги, дүтэрхы, тэнсүү (подобен, похож, одинаков): Ямар нэгэ заахан үхибүүндэл адли (С. Ангабаев).