АГШУУН

тэмд. н. 1) үдхэн, бүшэмэг, падхагар, гашуун (густой, концентрированный): Бүхэлеэр шанаһан мяхан, бууза, агшуун зѳѳхэй, шаанги … юрэдѳѳл, эдеэншье элбэг даа (С. Цырендоржиев); Досооһоонь агшуун, үжэнхэй муухай, эхүүн үнэр хамар амаарнь анхилаад, хотынь урбалдаха болотор охюулна (С. Цырендоржиев); 2) шэлж. бүдүүн, бардаастай – абяан, хоолой тухай (густой – о голосе): Энэ үедэ партиин обкомой секретариин хашамал агшуун хоолой шангадаадхиба (С. Цырендоржиев).