АБГАЙ

юум. н. 1) эгэшэ, айлай үхибүүдэй наһаар ехэ басаганиинь (старшая сестра): Тиигээд: – «Энэ абгаймни ямаршье дан иимэ хэтэрмэ хомхой хобдог болошоо гээшэб даа!» гэжэ һанаандаа тон гайхангяар сэдьхэнэ (Б. Мунгонов); заа абгай ехэ эгэшын доодо тээхи эгэшэ(нэр) (вторая и следующая по старшинству сестра); нагаса абгай эхын эгэшэ гү, али дүү (тётя по матери): Энэ үедэ Ханда абгай, түрүүлэгшын нагаса абгай, бэеэрээ хүрэжэ ерэбэ (Ц.-Ж. Жимбиев); хадам абгай а) хадамай талын эгэшэ эхэнэр (свойственница); б) сэл. хадам аха, хүр дүү (шурин); 2) ахын һамган (жена старшего брата); 3) эгэшэдээ гү, али юрэ аха хүнүүдтэ хүндэлэн хандалга (почтительное обращение к старшим): Зай, Доржо абгай, эндэ нэгэ газарта орожо эдеэлэе… (Х. Намсараев); 4) мух.-шэб., сэл. аха, ахай – эрэ хүн тухай (почтительное обращение ко второму по старшинству брату).