АБАРГАДАХА

үйлэ ү. 1) абаргада юумэ хабшаха (зажимать в тисках): түмэр шүрэб абаргадаха; 2) шэлж. шангаар адхаха, бажууха, табихагүйгѳѳр бариха (хватать мёртвой хваткой): … дээрэһээнь шулуун шэнги хүндѳѳр дараад, үндылгэхэ юм бэшэ, сээжээрынь мантан гарнуудаараа абаргаданхай (Б. Шойдоков); 3) баруун бур. эшээндээ хэбэтэһэн баабгайе хүшүүргэдэжэ олзоборилхо (обкладывать медведя).