АБААХАЙ I

юум. н. олон шатата зургаан хүлтэй, шүлһэ татажа хоолоо баридаг шумуул (паук): Абаахай шэнги, нютагайнгаа бүхы зониие шүлһѳѳрѳѳ орёогоо, хүрмэлдүүлээ ха юм (Ц. Шагжин); Абахадаа аһалдаад, арбан хүлтэй абаахай, үгэхэдээ хумиралдаад, үһэтэй хэдэр хорхой (Оньһ. ү.); абаахай саһан а) хѳѳбэгэр, арбагар саһан (снег хлопьями, пушистый снег): Няалдамхай абаахай саһан зѳѳлэхэн сагаан ковёр дэлгэһэндэл хамаг юумые хушана (Ц.-Д. Хамаев); б) арбан хүлтэй саһан (снежинка): Орой намарай агаар хүйтэ татажа, мэнэ-мэнэ саһанай сагаахан абаахайнууд тунгалаг агаартань зонхилхоёо байһандал үзэгдэнэ (Ц. Цырендоржиев).