ҮШӨӨ

наречи, ород 1) нэмэжэ, баһа (ещё): Дарима, зүб хараанаш, үшөө намайе хараа, хараахадаш нэгэ бага зосоомни хүнгэн болоходол гэнэ (Ц. Шагжин); үшөө дахин дахижа нэгэ удаа, баһа (ещё раз, ещё разок): Хэдэн зуу мянга дахин дамжаһан гэшхүүрээ үшөө нэгэ дамжаха, гарайнгаа холотор татаһан үүдэнүүдээ үшөө дахин татаха дураниинь хүрэнэ (Ч. Цыдендамбаев); үшөө нэгэ хэды дахин нэмэжэ хэды дахин (ещё несколько раз): Үшөө нэгэ хэды дахин хүсөө гаргажа түлхихэдөө, эрьедэ хүрэшэбэ (Ц. Дон); үшөө нилээд олон дээрэһээнь яһала олон (ещё довольно много, ещё порядочно): – Үшөө нилээд олон гайхамшагта юумэнүүдые үзэжэл мордохо байхат, – гэжэ Арсалан үбгэнэй һанаа заһана (Ц. Шагжин); үшөө бии нэмэхээр үлөөд байна (есть ещё): Шамда нэгэ бишыхан дуранай хэлтэрхэй үшөө бии юм ха юм (Б. Мунгонов); үшөө үглөөгүүр хада аяар үглөөгүүр (ещё утром); 2) мүнөө, мүнөө дээрэ, мүнөө болотор, мүнөөшье (на этот момент, пока, до сих пор): Аша хүбүүн Зоригынь үшөө бишыхан, Майдар Болод хоёрто лаб унуулхагүй (Д. Эрдынеев); тэрэш үшөө ерээдүй тэрэш мүнөө болотор ерээгүй (он ещё не приехал); 3) бүри, тон, угаа, дахин, улам, орой (ещё, ещё более): Тиигэбэшье тугалшан абгай бэдэрэлгэеэ үшөө саашань үргэлжэлүүлхэ дуратай байна (Ц.-Ж. Жимбиев); үшөө ялагар болгохо бүри ехээр ялалзуулха (делать ещё ярче): Тээ саана ошоод, Ванька мүнөөхи ялагар таба мүнгэеэ хамсыгаараа аршажа, үшөө ялагар болгоно (Ц. Шагжин); үшөө ехээр бүри ехээр (ещё больше): Тэрээнэймни шалхагар улаан нюур үшөө ехээр улайжа, онигорхон нюдэниинь түб түхэреэн болошобо (С. Доржиев); үшөө дээшэлүүлхэ бүри дээшэнь үргэхэ (поднимать ещё выше); үшөө үндэр ургаса абаха урдынхиһаа ехэ, тон үндэр ургаса абаха (получать ещё более высокий урожай).