ҮХИБҮҮШЭЛХЭ

үйлэ ү. 1) хүүгэдтэ шэнги хандаха (относиться как к ребёнку): Оюунынгаа хүсэд мэдээ ороходонь баярлан, тэрэнээ үхибүүшэлэн тэбэреэд, хүбүүн нэгэ хэды алхална (Ц.-Ж. Жимбиев); 2) үргэжэ абаха (усыновлять): Тэрэ айлни намайгаа үхибүүшэлжэ шадаагүй (З. Гомбожабай); басага үхибүүшэлхэ басага үргэжэ абаха (удочерять): Үхибүүгүй байһан тула тэрэ Валиин эхэ гансаардахагүй гэжэ детдомһоо хүлдэ орожо ябаһан ород басага абажа, үхибүүшэлээ юм (З. Гомбожабай).