ҮРГЭЛЖЭЛХЭ

үйлэ ү. 1) юумэнэй байнгүй, тогтонгүй, таһалгаряагүйгөөр саашаа болохо, үнгэрхэ, зогсохогүй, таһархагүй, болихогүй (продолжаться, тянуться, быть непрерывным): Энээнһээ хойшо хэдэн һарын туршада үргэлжэлһэн олон олон заседанинуудта хоёр талаһаа яһала шанга тулалдаанууд болоо һэн (Б. Санжин, Б. Дандарон); үни үргэлжэлhэн альга ташалга замхаагүй, дууһашагүй альга ташалга (продолжительные аплодисменты); энэ намаг табяад модо үргэлжэлбэ энэ намаг табяад модоной газарта һунаба (это болото тянулось вёрст на пятьдесят); хөөрэлдөөн үргэлжэлhөөр хөөрэлдөөн саашаа ябана (беседа продолжается); 2) саашань ябуулха, орхингүй саашань хэхэ гү, али хэлэхэ (продолжать): – Үгыхэн ааб деэ, тиимэ һонин юумэн үгы, – гэжэ Барга-Няма үргэлжэлбэ (Б. Мунгонов); ябадалаа үргэлжэлхэ зогсоһон гү, али амарһанай һүүлээр саашаа ябаха (продолжать свой путь): Лейтенант Петров пленнигүүд болон өөһэдынгөө шархатаашадые үдэшүүлэн, зарим хүнөө дивизидээ эльгээхэ, өөрөө тон шэлэмэл хүбүүдые абаад, ябадалаа үргэлжэлхэ гэжэ шиидэбэ (Ж. Тумунов).