ҮРГЭБШЭ

юум. н. 1) хэрэгтэй юумэ хэжэ, нюргандаа үргэлээд ябаха тулам, сүүмхэ (заплечный мешок, ранец, котомка, рюкзак): Кузембаев онгожо сайшаһан үргэбшэ соохи юумэнүүдээ гаргаба (Г.-Д. Дамбаев); үргэбшэ тулам (гү, али мэшээг) хэрэгтэй юумэ хэжэ, нюргандаа үргэлээд ябаха амһарта (заплечный мешок): Мнацаканян үргэбшэ туламтай хүндэшэг юумэ үргэлөөд, буугаа гартаа абаба (Г.-Д. Дамбаев); Һүүлээрнь хооһон үргэбшэ мэшээгүүдые олобо (А. Ангархаев); 2) хүнэй үргэлжэ ябаһан юумэн, нюргандаа хээд ябаһан ашаа (ноша): Айхабтар хүндэ юумэ үргэлөөд, даажа ядан ябатаршни, һайн нүхэрэйшни угтажа ерээд, үргэбшыншни тэн хахадые абахада, тон лэ иигэжэ зэлд гэдэг байха (Ч. Цыдендамбаев); хүндэ үргэбшэ хүндэ ашаа (тяжёлая ноша); 3) буугай һур (ремень у ружья): Дамба буугаа абажа, сэмгэнэйнь үзүүрһээ баряад, үргэбшээрнь үлгэлдүүлхэеэ үндэһэндэ хаяба (Д.-Д. Дугаров); 4) ээм дээрээ хоёр хүнэг уһа үргээд ябахын тула хэһэн, хоёр таладаа хүнэг үлгэхэ гохотой нугылгаһан модон, тэлүүр, тээг (коромысло): Манюу һара тээшэ хаража һуухадаа, һарадахи үргэбшэ үргэлһэн басаганһаа туһаламжа эрижэ, тэрээндэ хандаһан хүнуүдтэ тэрэ ходо туһалдаг байһай, намайе мүнөө һара хаража байна гэжэ этигэхэ дураниинь хүрэнэ (А. Бальбуров).