ҮНЭНТЭ

тэмд. н. бодото, жэнхэни, ёһотой, зүб, сэхэ (верный, истинный, действительный): Бүхы Инзагатын буусанууд, хамаг үргэн тала дайдын үнэнтэ эзэд болошоһон шэнгеэр, хажууршад зэлэ татан зэргэлжэ, дорюунаар сабшанад (Ч. Цыдендамбаев); үнэнтэ байдал бодото байдал (действительность): Хатуу шэрүүн үнэнтэ байдалай хажууда сэнгэлиг янзын жаргалай үгэ (Г. Цыденжапов); үнэнтэ хүн ёһото, шударга зантай хүн (настоящий человек): Һур мушхамал хэдышье шүүдэр соо шэрэхэдэ, зөөлэн болодоггүй, үнэнтэ хүн хэдышье наһа хүрэхэдөө ухаагаа алдахагүй (Ч. Цыдендамбаев); үнэнтэ зол жаргал жэнхэни аза жаргал (истинное счастье): Бимба мэтын хүниие үгы болгоод байха сагта үнэнтэ зол жаргал ерэхэ гэжэ Цыремпил намда хэлэдэг (Г. Цыдынжапов).