ҮНЭМШЭЛГЭ

юум. н. гэршэлхэ бэшэг, юумэндэ баримта болгохо бэшэг, баримта бэшэг (удостоверение, свидетельство): Гэр байраар хангагданхай гэһэн үнэмшэлгэ, бэеын талаар элүүр гэһэн поликлиникын гү, амбулаториин үнэмшэлгэ, салин хүлһэнэй талаар үнэмшэлгэ хэрэгтэй (Б. Мунгонов); үнэмшэлгэ саарһан (гү, али бэшэг) гэршэлхэ бэшэг, баримта бэшэг (удостоверение, документ): Юрэдөө, тэрэ эндэһээ табигдаба гэһэн үнэмшэлгэ саарһа абаа һаа, одоол ехээр баярлаха байгаа һэн ха (Ц.-Ж. Жимбиев); Тэрээн тухай үнэмшэлгэ бэшэг танда баринаб, хото ошожо, энэ хаягаар эмхи зургаанда орооройгты, элдэб хүнгэлэлтэ байха гэжэ хэлээд, Мэдэгмаагай эхэдэ тэрэ бэшэгээ үгэбэ (Г.-Д. Дамбаев); бэеын үнэмшэлгэ хүнэй нюур бэе, тэрээн тухай гол мэдээсэлые баталһан баримта бэшэг (удостоверение личности): Тэрэ эм абахадатнай заабол бэеын үнэмшэлгэ хэрэгтэй; ○ саарһан гэжэ үгэтэй парн. хэрэгл.