ҮНЭГҮЙ

тэмд. н. 1) хямда, бага сэнтэй (дешёвый): Үргэдэг мориёо сохижо наншажа сүхэрһэн эзэниинь хүнэй хэлэдэг хараал хашхаржа дууһахадаа, мүн лэ ондоо хүндэ бүришье үнэгүй сэнгээр худалдаһан юм (Д. Батожабай); үнэгүй архи хямда, бага сэнтэй, шанар муутай архи (дешёвая водка): Шэрэжэ хуһанай һүүдэртэ оруулаад, тэргэ дээрэһээ эгээл үнэгүй, ахирхан шанартай архи асаржа, хүбүүнэй ама уруу шудхабад (Ч. Цыдендамбаев); үнэгүй болгохо бага сэнтэй болгохо (обесценивать): – Китовичэй хүдэлмэришэнтэй уулзаад ерээб даа, энэ үдэрһөө хүлһыемнай үнэгүй болгоод байнад гэлдэжэ гэмэрэлдэжэ байнал һэн (Х. Намсараев); үнэгүй болохо хямдарха, бага сэнтэй болохо (обесцениваться): Шэмэтэй һайн ногоо тэндээ ургуулха, һүнэй шанар һайжаруулха аргатай болохобди, һүмнай үнэгүй болохо (Д. Эрдынеев); 2) шэлж., шоодб. жаахан, бирагүйхэн, муухан (малоценный): Би үнэгүй хүн хадаа автобусаар ошоhуу даа.