ҮМӨӨРХЭ

үйлэ ү. гэмгүй гэжэ хамгаалха, хүнэй түлөө оролсохо, аршалха, үмэглэхэ, сагааруулха, далдалха (вступаться за кого-л., защищать): Буладай өөрыгөө зэмэтэй дээрэ тооложо байхадань, тэрэниие үмөөрхэ дуратай хүнүүд бишье һаа, бултааран абяа шэмээгүй болон һуунад (Ц.-Ж. Жимбиев); үмөөрхэ хамгаалха аршалха, үмэглэхэ (защищать): Намдаг баян эрэлхэгээр ташуураа дээрэ далайн, үмөөрхэ хамгаалха хүнгүй басагые тархи түрүүгүй шабхадана (Д. Батожабай); бэеэ үмөөрхэ зэмэгүйб гэжэ бэеэ сагааруулха (оправдываться): Гомбо дотороо бэеэ үмөөржэ байбашье, докторой урдаһаа харюу хэлэжэ, өөрынгөө зүбые тодоруулха буляалдаха шадалынь үгы байжа, дуугай гээгдэбэ (Ц. Дон).