ҮЛТИ

шангадх. ү. зада, һамна, биса, бута, низа, шалза (в труху, в пух и прах): Тугаарай намдаад байһан гуран шээрэн баһа шэбжэгэнэжэ, жэжэхэн аад, мянга түмэн дуһалаараа солдатска ботинкын һүеыдэ хагза гэшхэгдэжэ, үлти татагдаһан элһэн хүрьһые зүүнэй үзүүр мэтээр хадхана (Ж. Тумунов); үлти зада (гү, али һамна) үй бута, биса бала, хаха бута, айхабтараар, hайса (вдребезги, изо всех сил): – Тэрэнэйнь һамгаяа аршалжа, нюдэ нюургүй ороходонь, үлти зада сохёод, мориндонь ганзагалжа табяабди (Б. Санжин, Б. Дандарон); Харин һүүлэй үедэ зарим хорёошо буруунуудынь ороод лэ, сэл ногоон үбһыень үлти һамна гэшхэхэнь багадаад, эбэрээрээ һээшэжэ үреэдэһэн байха (М. Осодоев); үлти бусалгаха гал дээрэ шалзартар шанаха, удаан бусалгаха (разваривать): Газаа юу хэшэнэ гээшэбши, мяхамнай үлти шалза бусалшахань (Б. Санжин, Б. Дандарон); үлти жажалха жэжэ болотор жажалха (пережёвывать).