ҮЗЭГДЭЛ

юум. н. 1) харагдаха зүйл, харахада гоё, hонин, юрэ буса юумэн (явление, зрелище): Энэ шадар хүнүүдэй табиһан түүдэгэй утаа хараха гээшэ тон хоморой үзэгдэл шуу (Д.-Д. Дугаров); байгаалиин үзэгдэл байгаали юртэмсын элдэб юумэн, һонин зүйл, байгаалиин гоё һайхан (природное явление): Алдар ябаган хуһанай мүшэр хухалжа, амандаа зуугаад, үнгэ буляаһан байгаалиин үзэгдэлые һайхашаан ябана (Ц.-Ж. Жимбиев); шэнэ үзэгдэл шэнээр бии болоһон, тохёолдоһон юумэн (новое явление); аймшагтай (гү, али һүрөөтэ) үзэгдэл айдаһа хүрэхөөр юумэн (страшное зрелище): Олон асата сахилгаанай нюдэ һаргамаар ялалзахадань, үдэр шэнги гэрэлтэй боложо, ой тайга соо һүйдхэлтэ шуурганай аашалхань аймшагтай үзэгдэл боложо харагдана (Б. Мунгонов); Арайшье шамай үрдижэ, аюулһаа зайсаһан аад, Сибирцев киноаппарадаа гарганхай, нуралгын һүрөөтэ үзэгдэлые залгуулан буулгаба (Д.-Д. Дугаров); 2) хуурмаг, эндүүржэ хараһан юумэн, һорьмоһоо харалга, h анаандаа ургуул h ан хии юумэн, һүүмэгэр дүрэ, боохолдой (призрак, видение, привидение, мираж): Дуугараашье һаань, энэмни үнэхөөрөө хүн гү, али үзэгдэл юм гү гэжэ хүбүүн үшөөл этигэжэ ядана хэбэртэй (Д.-Д. Дугаров); 3) зүжэгэй хэһэг (сцена, картина): Мүнөө нэгэ хүнэй уншарагтай, гунигтай дүрбэдэхи үзэгдэлэй эхиндэ дуулдаһан дуун уншарагтайгаар зэдэлнэ (Ц. Шагжин).