ҮЗЭГ

юум. н. 1) ямар нэгэн бэшэгэй үндэһэн болохо сагаан толгойн тэмдэг (буква): Харин мүнөө багшын бэшэһые үзэг үзэгөөрнь шэншэлэн, зэргэшүүлэн үзэжэ эхилбэ (М. Осодоев); томо үзэг мэдүүлэлэй түрүүшын үгын эхин, хүнэй, газарай, уһанай нэрын эхин гэхэ мэтэдэ бэшэгдэдэг хэмжээгээрээ томо тэмдэг (прописная, заглавная, большая буква); барай үзэг хэблэлдэ хэрэглэгдэдэг гүбэгэр тэмдэгтэй модон (литера); 2) эрдэм ном, ном бэшэг, һургаал (грамота): Шамдал иимэ монсогорхон хамартай, дэрэгэрхэн шэхэтэй хүбүүдые үзэгтэ һургахаһаа үлүү зол намда олдоогүй юм (Ч. Цыдендамбаев); үзэг бэшэг а) ном бэшэг, һургаал (грамота): Үзэг бэшэг мэдэхэгүй хүн харанхы мунхаг, өөртөөшье, зондошье нэмэри багатай (Г. Туденов); б) хэлэнэй бүридэл тэмдэглэжэ олон түмэндэ ба хойто үедөө уламжалха харилсаа холбооной тэмдэгэй системэ, бэшэг (письменность, письмо): Анхан Торидо хуушан латаар үзэг бэшэг зааһан багша, Дашабал Цыдыпов, Сэбжэдмаагай абын дэбтэрые одоошье уншажа үгэхэнь гээшэ (Д.-Д. Дугаров); 3) хэлые тэмдэглэжэ олон түмэндэ ба хойто үедөө уламжалха харилсаа холбооной тэмдэгэй системэ, бэшэг (письменность, письмо): Шэнэ түсэлөөр хуушан монголоор бэшээтэй дансанууд хүн зондо бэлэн кирилл үзэгөөр бэшэгдэжэ байна (minkultrb. ru); 3) хууш. монг. бэхэдэ дүрэдэг, бэхэ шэнгээжэ бэшэхэ, зурахада хэрэглэдэг үзүүртэй бэшэгэй хэрэгсэл (перо): хулһан үзэг.