ҮГТЭХЭ

үйлэ ү., хүлеэгд. залог олгогдохо, хангагдаха, барюулагдаха (даваться, выдаваться, предоставляться): Омоли загаһанай тоо олошорһонойхи хуулида хүнгэлэлтэ оруулагдажа, бага багаар загаһа бариха зүбшөөл үгтэжэ эхилхэнь ха (Б. Бадмаев); хадамда үгтэхэ хадамда хүргүүлхэ (выдаваться замуж): Харин басагамнай түрэ хуримгүйгөөр, заһал зэбһэггүйгөөр үгтэбэб гэжэ гомдожо гутаржа ябахагүй юм аа гү? (Х. Намсараев); ашаглалгада үгтэхэ ашаглалгада тушаагдаха, ашаглалтада орохо, хэрэглүүлжэ эхилхэ (сдаваться в эксплуатацию): Юрөөгэй талын доодо захада харлан гонзойн хянгартаһан Харууха хадын эгээн үндэр орой дээрэ телевизионно ретрансляторай барилга дүүргэгдэжэ, жара юһэн оной зун ашаглалгада үгтэбэ ха юм (Б. Мунгонов); мүхөөгөө үгтэхэгүй бэеэ гомодхоолгохогүй, хүнэй доро орохогүй, нэрэ хүндэеэ алдахагүй (не давать себя в обиду, не терять своего достоинства): Хөөрэлдөөнэй үнгэрүүтэһые мэдэжэ һуубашье, жолоошо хүбүүнэй шогтойгоор дайран хэлэхэдэ, басаган мүхөөгөө үгтэхэгүй гэжэ шиидэбэ (Ц.-Д. Хамаев).