УШАРУУЛХА

үйлэ ү., идх. залог 1) уулзахые баадхаха, уулзуулха (устраивать кому-л. свидание с кем-л.): – Шамайе зол жаргалтай ушаруулхынгаа урдахана хуби заяаншни шамда дурлалай гомдол голхорол амасуулаа бэшэ аал даа? (Ч. Цыдендамбаев); 2) оруулха, табиха (подвергать чему-л., причинять): Ажабайдалдам ушаруулһан яршагуудыень тэрээндэ хожом һануулхал аабзаб гэжэ зосоогоо шиидэһээрээ шиидээд лэ үлөө һэн (Ц.-Д. Хамаев); һаад (һаалта, тойбо) ушаруулха һаатуулха, һаад хэхэ (чинить препятствия, мешать): Сэрэнцүү оройдоол хоёр үдэрэй табилгатай хүн аад лэ, аяар гурба-дүрбэ хоножо, ажал хүдэлмэридөө һаад һаалта ушаруулха болоһондоо гажарна (Ц.-Ж. Жимбиев); Зондо тэрээн бүхэндэ бэрхэшээл, хүндэ хүшэр тухайнь хэлэһэнэй үлүү, олон ушарта ехэ һаад тойбо ушаруулна гэжэ хэлэхэ дүүрэн эрхэтэйб (Ц. Цырендоржиев); аюул ушаруулха аюултай байдалда оруулха (создавать опасность): Сэрэн-Цоколой бидэнэй ерэһые дуулаа хадаа манда тодхор татажа, аюул ушаруулжа болохо (Б. Санжин, Б. Дандарон); хохирол ушаруулха ядаралда оруулха, гарзатуулха, хохироохо (наносить ущерб): Партизан бригада бии болгоод байхадаа, дайсаниие сохихо шадалнай улам ехэ боложо, тэдээндэ яһалаар хохидол ушаруулха болохобди гэжэ Дугар хүхинэ (Б. Шойдоков); hүйд ушаруулха һаад тойбо татаха, түбэглэхэ (причинять вред): Теэд мүнөөхи зоболонто хара нүүлэнь хүлнүүд доогуурнь торосолдожо, уйгаргүй ехэ һүйд ушаруулба (Б. Мунгонов).