УТАХА

үйлэ ү. 1) утаадаха, утаагаар шарлуулха, утаагаар (нүхэнһөөнь) гаргаха, утаагаар сэбэрлэхэ, аргалха (дымить, окуривать, дезинфицировать): …нэгэ бузар бужуутай буруу бии аад, тэрэниие утажа байгааб (Ж. Тумунов); арһа утаха доошоо дүшөөд сантиметр, диаметрынь 15 сантиметр тухай утаари гэжэ нүхэ малтаад, досоонь адууhанай хатаhан тонтогоол нарhанай шэнгээрhэн хоёрые хэжэ, гал аhаадаг юм. Тэдэнь дүлэгүйгөөр ууяжа, утаа бааядаг hэн. Утаари дээрэ утань метр тухай гурбан нарин модо зоожо, дээдэ үзүүрнүүдыень холбоод, дээрэhээнь арhаяа үнгөөрынь досоо тээшэнь тохожо, ехээр утаанай гарахаар бэшээр бүтүүлээд орхижорхидог байгаа. Хоёр-гурбан час тухай болоод абахадань, арhаниинь шарабтар үнгэтэй болоhон байдаг hэн. Энэ үнгэнь бэлээр hалахагүй, хэдэн жэл соо ябадаг бэлэй Л. Линховоин (дубить шкуру): Арһа элдэхэ, утаха гээшые зүүдэндээшье хараагүй амитан аабзаш (Г. Дашабылов); 2) утаанда болгохо, буйлуулха (коптить); 3) сангаар, хүжээр сэбэрлэхэ, арюудхаха (окуривать благовонием, очищать): – Энэ аршаан абаашажа, бэриеэ угаагты. Энэ санзайгаар утагты (Ч. Цыдендамбаев); 4) шэлж. хии талаар шашаха, этигэхээр бэшээр хэлэхэ (болтать без толку).