УРЯАЛ

юум. н. 1) орожо ерэхые гуйлга, ерыт, айлшалыт гэжэ дуудалга, урилга (приглашение): Нэгэ шалтаг дурдаад, Иванай уряалһаа арсаха гү, үгышье һаа ерэнгүй байшаха байгааб гэжэ Доржо түр зуура һанана (Ч. Цыдендамбаев); уряалаар ерэхэ урюулжа ерэхэ, бууха (приходить по приглашению): Шэнэ гэртэ зөөжэ ороhон Лодонтоной сайлалгада уряалаар ерэhэн хүнүүд hубарюулан табиhан столнуудаар дүүрэн hуунад (Г.-Д. Дамбаев); 2) ямар нэгэн үзэл һанаа, зорилго, гүрэнэй эрилтэнүүдые богони хэлбэреэр гаргаһан хандалга, уряа нэбтэрүүлгэ (призыв, воззвание): Манай агууехэ партиин уряалаар манай залуушуулай хүдөө гаража ажалладаг болоһон иимэ заншалые манай хүн бүхэн һайшаанал (Ч. Цыдендамбаев); уряал бэшэгүүд уряа хуудаһан, листовко (листовки); уряал тунхаглаха хандалга тарааха, хэблэлэй хуудаһануудта уряал толилхо (опубликовывать, обнародовать воззвание).