УРЬҺААР

наречи зээлеэр, түлбэрииень хожом түлэхөөр, гэдэргэнь үгэхөөр, бусаахаар (взаймы): – Һүтэй үнеэн болохол, эртүүршье түрэхэ, үридэ ороо юм һааш, урьһаар мүнгэ бэдэрээ һаамнай дээрэ бэшэ гү? (Д. Эрдынеев); урьһаар абаха түлбэрииень хожом түлэхөөр абаха (брать взаймы): Энэ үдэр дуган субарга барихада, дасанда ба ламануудта үргэл хэхэдэ, «жабтуй» уншуулхада, гал гуламтаа үүсхэхэдэ, пеэшэ барихада, хүрэнгэ табихада, эд эдеэ оложо суглуулхада, мүнгэ урьһаар абахада, амарлингы ба сагаан зүгэй үйлэнүүдтэ һайн (Д. Мадагаев); Ухаа урьһаар абахагүйш (Оньһ. ү.); урьһаар үгэхэ зээлеэр үгэхэ, хожом бусаахаарнь үгэхэ (давать взаймы): Хэрбээ хүндэ урьһаар юумэ үгэхэ болоо һаа, юугээр бусаажа шадахаб гэжэ түрүүшээр бодохо (Ч. Цыдендамбаев).