УРШЫХА

үйлэ ү. 1) атираатаха, уршалаатаха, уршалаатай болохо (морщиниться): Клименкын нюур уршы уршыһаар, тугаар һая барайшоод байһан Галсанай нюурһаа үшөө барагар болошобо (Д. Батожабай); 2) буршыха, үнгэгдэхэ, уршагар болохо (мяться): Ороходонь Буда Бадмаевич ногоон шляпаяа гартаа уршытар бажуугаад, гарахаяа түхеэрэнхэй, эжытэйнь хөөрэлдэжэ, үгэеэ ойлголсоһон хэбэртэй, энеэбхилэнги хүхюун байба (Ц.-Д. Хамаев); уршытар бажууха буршытар үнгэжэ монсойлгохо (комкать): Үсэгэлдэр армиһаа табигдаад, ерэжэ ябанам гэһэн телеграммын ерэхэдэ, Балжид уршытар бажуугаад, эхынгээ хараһаар байтар гал уруу хаяжархёо (Ц.-Д. Хамаев); 3) шэлж. миралтаха, миралзаха (покрываться рябью): Тиин байтараа Юрөө голые уруудан һөөл һэрюухэнээр, ёһотойл боро хараанайхяар һэбшээлжэ, нуурай уһан үлэ мэдэг уршын долгилбо (С. Цырендоржиев).