УРМАТАЙ

1. тэмд. н. 1) дорюун, хүхюутэй, баяртай (в приподнятом настроении, воодушевлённый, бодрый, оживлённый): Үсэгэлдэр муу мэдээ асараагүйдөө, үшөө Гэндэнһээ бэшэг абаһандаа урматай ябаба (Ц.-Д. Хамаев); урматай зоригтой (гү, али омогтой, дорюун) обтой, согтой, дорюун, абьяастай, залитай (бодрый, воодушевлённый, энергичный): Мүн тэдэнтэй таба-арбан үгэ ородоор саана наана дуугаралсаха болоһондоо бүришье урматай зоригтой болоно (Х. Намсараев); Нүгөө нүхэрынь Должоной гайхалтай шанга зоригтойгоор ябажа, тэрэ муухай дайсан Дэлэг гэгшые барюулжа шадаһанда урматай омогтой янзаар, һайшаан үмөөрэн хэлэнэ (Ц. Дон); – Хари хэлэнэл гүби таанарта тугаарһаа нааша, – Сэрэнэй эжы урматай дорюун болоһоншье һаа, зорюута хараан татан дуугарна (С. Доржиев); урматай баяртай (гү, али хүхюутэй) баясхалантай, сэнгүү, согтой, сэдьхэл дүүрэн, сэдьхэлээ хананги, налагар (радостный, довольный): Хүндөөр гэмтэһэн бэеынгээ эдэгэжэ эхилһэндэ урматай баяртай байһан Гомбо сугтаа байдаг үбшэн нүхэдтөө үлүү олон үгэ шашажа, тэдээнэйнгээ дунда бага зэргэ шоодбори болоо һэн (Ц. Дон); Гэнэн бармые архяар мэхэлэн, толгойень эрьюулжэ, һаатуулжа шадабаб гэжэ Дэлэг дотороо һэм гэн, урматай хүхюутэй һууна (Ц. Дон); 2) бэелүүлхэ хүсэлтэй, зохид болоһон (имеющий желание, стимул): «Хара хүдэлмэритэй носолдоод, эдеэлхэдэшье урматай байдаг» гэнэ Будаали (Ц.-Д. Хамаев); 2. дорюунаар, согтой баяртайгаар, обтойгоор, хүсэлтэйгөөр (с душевным подъёмом, бодро, жизнерадостно): Энэ бодолһоо досоом нэгэ бага һэгээ орожо, урматай гэшхэлбэб (С. Цырендоржиев).