УНЯАРТАХА

үйлэ ү. 1) утаа уняартай байха, манарха, манатаха, уняараар бүрхөөгдэхэ (покрываться мглой, затягиваться дымкой, затуманиваться в холодную погоду): Аяар зүүн зүгтэ уняартан хүхэрэгшэ аласай шэлэнүүд Тогоошын хүсэл һанаае гунигай манан соо үлгыдэнэ (Д.-Д. Дугаров); 2) баруун бур., шэлж. муудаха, доройтохо, нютагаа һанажа уйдаха (хиреть, чахнуть от тоски по родным местам); 3) шэлж. дүүрэхэ, халиха, толорхо, гэрэлтэхэ (наполняться, светиться): Теэд Эржэни Володиингоо гарайнь бүдүүн балсан дээрэ зөөлэхэн халуухан хасараа табяад, жаргалаар уняартаһан харахан нюдэеэ анин сасуу дурд гэшэбэ (А. Ангархаев).