УНХИ

юум. н., үсөөн 1) юумэнэй үнэрөөрнь мэдэрэгдэлгэ, үнэр, хамараар мэдэрэгдэдэг бодосуудай шэнжэ шанар (запах): Эдеэнэй болохо багаар өөрөө гүйжэ ерэхэ. Тэрэшни унхи һайтай хүн (Ч. Цыдендамбаев); унхи мэдэхэ үнэр мэдэрхэ (чуять запах): Бэе бэеһээ балай холо зайда бэшэшье һаа, Гэндэн унхи мэдэхэ нохойһоо өөрэгүй, хэрмэнэй мүртэ оробол, холо табидаггүй байба (Ц.-Д. Хамаев); 2) шэлж. мэдэрэл, тухайламжа (чутьё): …наадаха артистнар хадаа оролдожо хэһэн ажалыемнай зон ёһотойгоор угтахань гэжэ гансал артистнарта байдаг тиимэ мэдэл унхиин ашаар таагаад байһан юм (Ч. Цыдендамбаев).