УНЖАЛДАХА

үйлэ ү., угталд. залог 1) һунаха, һанжаха, һанжалдаха, доошоо болохо (тянуться, вытягиваться, быть тягучим): Азаргын байраһаа һүрэхэтэй адли Лонхын хаяһан бугуули Галсанай шуһатай толгой халта дайраад, үхэһэн могой мэтэ сэрбэгэшэһээр, мориной ууса дээгүүр унжалдаһаар, газарта унашоо һэн (Д. Батожабай); унжалдан унашаха һунаад унашаха (вытянувшись, упасть): …ута гэгшын могой унжалдан унашана (Х. Намсараев); 2) унжагайрха, толгойһоо гарахагүй, ходо һанагдаха, удаан һалахагүй (преследовать – о мысли): Баһал нөөхи элдэб янзын бодолнууд ухаандань ужаг нобшоор унжалдан ороод, һанаа үнөөень бүхыдэнь эзэлэн байгаа һэн (Б. Мунгонов).