УДХАХА

үйлэ ү. ямар нэгэн амһартаар гү, али шанагаар шэнгэн бодос гү, али жэжэ бутархай юумэ хэжэ гаргаха, хэжэ абаха (черпать): Георгий Николаевич уужам ногоон рюкзак сооһоо хотилоог гаргажа, арбаад алхам хажуу тээшээ ошожо, хадын түргэн горхонһоо сэбэрхэн уһа дүүрэтэр удхажа асараад, тагаан дээрэ үлгэбэ (Б. Мунгонов); альгаараа удхаха альгаа хонхойлгожо уһа абаха (черпать пригоршней): Тогоошо тэнхээгүйгөөр тэмтэрһээр ошожо, нуурмагта хүрөөд, альгаараа удхажа, уһа балгаба (Д.-Д. Дугаров).