УГЗАГАД

: угзагад гэхэ үйлэ ү., видэй нэгэ түхэл 1) байраһаа гэнтэ, эрид хүдэлшэхэ, шангаар түлхижэрхихэ (дёрнуться): Хуушарад гэһэн ГАЗ-69 угзагад гэн түргэдэбэшье, мотоцикл сэлеэндэ арай хүрэнгүй, трактһаа гаража, тугалшадай байра тээшэ шуумайшаба (А. Ангархаев); гараа угзагад гүүлэхэ гараа гэнтэ бэе тээшээ татажархиха (отдёрнуть руку): Халуун түмэртэ хайруулhандал, Сэрмаа гараа угзагад гүүлэн, гэдэргээ халта болоодхибо (Г.-Д. Дамбаев); угзагад-угзагад гэхэ шангаар түлхин түлхин байха, татагад-татагад гэхэ (резко дёргаться, толкать): …дээрэ дээрэһээ буудажал байһан хэбэртэй буунь гэдэргээ угзага-угзагад гэнэ (Х. Намсараев); 2) сухалаа хүрэһэниие харуулха, ард гэхэ, ёрхогод гэхэ, сухалтайгаар харюусаха (выказать раздражение): – Һэ, инагни! – Дулсан ууртайгаар угзагад гэбэ. – Унтахал болоходоо, инагни гэжэ байгаад, шал худалаар шашагшаш даа (Б. Мунгонов).