УГАЙ

тэмд. н. 1) угта хабаатай, хэр угһаа дамжан ерэһэн, анханһаа дамжажа ороһон, угсаатанай, уг изагуурай (родовой, родословный): Эдэ һургуулинуудые дүүргэгшэдэй дундаһаа багшанар, оршуулагшад, угай түүхэ бэшээшэд ургажа гараһан гээшэ (Л. Бадмаева); угай бэшэг элинсэг хулинсаг, эсэгэ үбгэдөө мартахагүйн тулада омогой үбгэ эсэгэнэрэй урдахи үенүүдые тодорхойлжо тэмдэглэһэн зохёол (родословная): Бүри үбгэ эсэгынь эсэгын бэшэһэн угай бэшэг бии байгаа (Ч. Цыдендамбаев); 2) түрэхын угаар дамжадаг – ямар нэгэн шэнжэ тухай (передающийся по генам): – Баабайдашье гуша гаража ябахадань, хадамда гараа бэшаалта? Магад угай юумэн байгаа гү? (Ц. Цырендоржиев).