УБДИС

юум. н. 1) эльбэдэлгэ, эди шэди (волшебство, колдовство); 2) далда арга, эди шэдитэ арга, нюуса эрдэм шадал (магическая сила, способность): Унагшым дүрбэн туруунhаа / Улаанхан дүлэн сасарна / Ухаанхан зүрхэнэйм оёорhоо / Отошын убдис сасарна (Арадай дуунhаа); убдис ехэтэ ехэ далда арга шадалтай (обладающий большой магической силой): Тэрэ убдис ехэтэ санваартан нютагаа морилһоной удаа 1731 ондо Манзушри бурханда хандалгатай бисалгал бүтээжэ, Эргэ Бүүргын хаяада, түргэн урасхалта Сүхэ голой эрьедэ эшэгы сагаан дуган бодхоогоод, холо ойрын лама хубарагуудые суглуулжа, түбэд ёһоной хуралнуудые хуража эхилээ һэн (soyol. ru); 3) жадхалалга, шэдитэ үгэнүүд, тарни (заклинание); 4) һургаал, номнол (наставление, поучение).