ТЭНДЭҺЭЭ

түл. ү. 1) тэрэ газарһаа (оттуда): Тэндэһээ гараад, гол хүсэеэ хүсэжэ шадахаа болиһоноо ойлгожо, хүреэлэлгэһээ гараһан наяад сэрэгшэдһээ бүридэһэн отряд байгуулаа бэлэйбди (Б. Шойдоков); эндэ тэндэhээ хаа хаанаһаа, бүхы тээһээ, олон зүгһөө (отовсюду, со всех сторон): Тииһээр байтарнь гурбан нохойнь эндэ тэндэһээ түүдэгэй дэргэдэ харанхыһаа гаража, галай ойгуур хэбтэшэбэд (С. Доржиев); 2) тэрэ сагһаа хойшо (с тех пор); тэндэhээ хойшо тэрэ сагһаа хойшо, тэрээнэй һүүлээр (с тех пор, после того); 2. дах. ү. хажууһаа, хажуу тээһээ (от): Тэрэ мүр дороһоо, һүүлшынь отогой тэндэһээ нааша мориндол оодорлон гүйжэ ерэһэн ямар нэгэн томо амитанай мүр байба! (С. Доржиев); гэрэй тэндэhээ гэрэй хажууһаа (от дома, со стороны дома); үүдэнэй тэндэhээ олохо үүдэнэй хажууда олохо (находить возле двери).