ТЭМЭЭНЭЙ

тэмд. н. тэмээндэ хабаатай (верблюжий): Бээжэн ороод ябахадаа, Аламжын гэдэргээ харахадань, тэмээнэй нюрган дээрэ обойлдожо байһан ашаа ха юм (Д. Батожабай); тэмээнэй нооhон тэмээнһээ абадаг нооһон (верблюжья шерсть): Тэмээнэй нооһоор нэхэжэрхиһэн мэтэ зөөлэхэн унтари соо аятайшье гээшэнь аргагүй даа (С. Цырендоржиев); тэмээнэй hүүл богонихон, олон үетэй, үзүүртээ пагсагар үhэтэй һүүл (верблюжий хвост): Тэмээнэй һүүл ябанхаар, батаганаанай тархи ябабал дээрэ (Оньһ. ү.); тэмээнэй хоргооhон тэмээнэй 3–4 см диаметртэй монсогор шабааhан. Буряад зон юумэнэй томо жэжые зураглахадаа, тэмээнэй хоргооһоной зэргэ гэхэ мэтээр хэлэдэг һэн (верблюжий помёт): Тэндэнь юуншье үгы, эндэ тэндэ тэмээнэй нойтон хоргооһонууд батагана үймүүлжэ байба (Ж. Балданжабон).