ТЭЖЭЭЛ

юум. н. 1) амитадта үгтэхэ эдеэ хоол, үбһэн (корм, корма): Гарза ехэтэйгээр бэлдэгдэһэн тэжээл малай ашаг шэмые үнэ ехэтэй болгожо, экономическа гарзатай байха бшуу (Б. Мунгонов); тэжээл хоол амитадта үгтэхэ орооһото хоол, үбһэн (корм, корма): Мүн энээгүүр һү һаадаг аппарадай түхеэрэлгэнүүд, автоуһалууриин хоолойнууд, тэжээл хоол зөөдэг дүүжэн тэргэнүүд тодхоотой (Ц.-Ж. Жимбиев); шэмэтэ (гү, али шэмэ ехэтэ) тэжээл шүүһэтэй, ашагтай үбһэн (сочный корм): Энэ кукурузын ургасые үбһэ хулһантай, һолоомотой холижо, шэмэ ехэтэй тэжээл болгохын тулада энэ түхеэрэлгэ хэгдэжэ байна ха юм (Ц.-Ж. Жимбиев); набшаhата (гү, али бургааһан) тэжээл малда эдюулхээр бэлдэгдэһэн 1,5 см хүрэтэр бүдүүнтэй модоной мүшэрнүүд (веточный корм): Энэ удаа набшаһата тэжээл бэлдэлгэ ехэ дэлгэрээ, юундэб гэхэдэ ган гасуур байгаа, үбһэн мууса ургаа (Л. Шагдаров, Д.-Н. Доржиев); Тиигээд хэдэн үдэр хоногто һанажа сэдьхэжэ ябаад, бургааһан тэжээл бэлдэжэ эхилээ бэлэй (Ц.-Ж. Жимбиев); холимог тэжээл малда үгтэхэ элдэб ургамалһаа бүридэһэн эдеэ хоол (комбикорм): Тиихэдэ мелькомбинадтай мянган центнер холимог тэжээл абаха тухай хэлсээб (С. Цырендоржиев); тэжээл бэлэдхэл (гэ) малда үгтэхэ хоол суглуулга, оруулалга (кормозаготовка): Иигэжэ Таһархайн фермын һаалишад бүгэдөөрэн малайнгаа тэжээл бэлэдхэлдэ хабаадабад (Ц.-Ж. Жимбиев); 2) үсөөн һайн хоол дээрэ байлгажа, һайнаар харууһалалга, тордолго (подкормка); тэжээл үгэлгэ һайн хоол дээрэ байлгажа, һайнаар харууһалалга (подкормка); хабарай тэжээл хабарай тордолго (весенняя подкормка скота); минеральна тэжээл ургамалда минерал нэмэлгэ (минеральная подкормка растений); 3) үсөөн эдеэ хоол, хүнэһэн (пища): Гайхамшагуудые тунхаглан дуулгагша hонинтой бэшэгыешье hайтар унша; орон бүгэдын гайхамшагтай үгэ сэдьхэлэйнгээ тэжээл болгон соносхо (Э.-Х. Галшиев); ○ үбһэн гэжэ үгэтэй парн. хэрэгл.