ТЭДХЭГДЭХЭ

гл, хүлеэгд. залог 1) хэн нэгэнһээ дэмжэлгын эд мүнгэ абаха, эд мүнгөөр туһалуулха, дэмжэгдэхэ (обеспечиваться, получать обеспечение, получать пособие); зөөреэр тэдхэгдэхэ эрхэ зөөреэр туһалуулха эрхэ (право на материальное обеспечение); 2) дэмжэгдэхэ, үмөөрэгдэхэ, өөгшөөгдэхэ, туһада хүртэхэ (поддерживаться, получать помощь, покровительство): Басаганай нэгэ гүрлөөтэй ута үhэн эхэ дэлхэйн элшэ хүсөөр тэдхэгдэн халижа, эзэндээ шадал тэнхээ оруулдаг (Б. Баторова); тэнгэридэ тэдхэгдэхэ эсэгэ тэнгэреэр үмөөрэгдэхэ, хамгаалагдаха (быть под покровительством неба): Бидэнэй үбгэд дээдэһээ маань газарта үргэгдэжэ тэнгэридэ тэдхэгдэжэ ябаһаар олон мянган жэлые туйлажа ерэhэн түүхэтэй (Б. Батхүү);