ТЭГНЭХЭ

үйлэ ү. 1) хоёр тээшээ адли шэгнүүртэйгээр ашаа тээхэ (вьючить): Баруун тээшээ хэлтышэһэн наранай туяан Кузнецовой шүрдэгэрхэн нарин нюрга, мориндоо тэгнэһэн хоёр арһан уутыень ой соо үгы болоторнь мүшхэн мүрдөөд һалаба (А. Ангархаев); тэмээндэ тэгнэхэ тэмээнэй нюрганда ашаа тээхэ (вьючить верблюда): Арбан пүүдэй ашаа тэгнэһэн тэмээнүүдые хүтэлһэн Наваан-Чингизые огторгойдо байһан һара таниха болоһон байжа магад! (Д. Батожабай); 2) хахадтаа хүрэхэ, тэг дунда хүрэхэ, хахад замаа гараха (приближаться к середине, доходить до половины чего-л.): Хамтаралай гэшүүд үндэһэн наадандаа һүниин тэгнэтэр хатараад тараба (Б. Шойдоков); тэгнэжэ ябаха тэнсүүриеэ алдангүй ябаха (идти, балансируя по канату).