ТЭБШЭ

юум. н. 1) модо түнхижэ гү, али зүйжэ хэһэн, уташаг хэлбэритэй, юумэ угаахада, үхэр мал эдеэлүүлхэдэ ба бусад юумэндэ хэрэглэгдэдэг һаба (небольшое корыто): Басаган хубсаһа хунараа сэлмэг арюун уһанда зайлажа, уһыень таһа мушхажа, эрье дээрэ байһан тэбшэ уруу хэнэ (М. Осодоев); Нойтон тэбшые нохой долёохо, номгон хүниие ноён баһаха (Оньһ. ү.); хахархай тэбшэ хараал. мохоо мунса хүн, шал тэнэг (тупица, дубина стоеросовая): «Хахархай тэбшэ, золиг лэ амитан гээшэ хаб!» – гэжэ Доржижабай Балдан бэеэ шоо үзэн, шобто харан сэдьхэбэ (С. Цырендоржиев); 2) хуhан модо түнхижэ хэhэн, зосоонь мяха болон гэдэhэ дотор хэршэдэг, мүн тогоонhоо болоhон мяхашье гаргадаг гонзогор модон амhарта (деревянное блюдо): Тэндэ гал наран хоёрто шарагдажа, мэнытэрээ хүлэршэһэн хүбүүд, бэреэд ута модон шоронуудаар мяха эрьюулнэ, болоһыень ехэнүүд тэбшэ соо гаргана (Б. Санжин, Б. Дандарон); тэбшээр дүүрэн мяхан гонзогор модон амһартаар дүүрэн мяхан (полное блюдо мяса): Жамган Янжима хоёр сарай дороо Минжурай харгын хүнэһэ бэлэдхэжэ, утаа уняар ууюулжа байһанаа, тэбшээр дүүрэн болгоһон мяха абаад, хөө тортог болошоһон юумэд, орожо ерэбэ (Ж. Тумунов); 3) үсөөн багахан эдюур (кормушка, ясли): Тэдэнэр мори шаргаар асарһан үбһэеэ үхэр малайнгаа эдеэлдэг тэбшэнүүд соогуур тараан обоолнод (Ц.-Ж. Жимбиев).