ТҮХЕЭРЭЛГЭ

юум. н. 1) ямар нэгэн юумэ хэхэ хэрэгсэл, оньһон, тоног, зэмсэг (оборудование, снаряжение): Буряадай фермернүүдтэ түхеэрэлгэнүүдые худалдан абаһан гаршын 50 хубинь гүрэнэй талаһаа бусаагдаха юм (Я. Дармаева); хинан хэмжэлгын түхеэрэлгэ хинан-хэмжэлгын оньһонууд (контрольно-измерительное оборудование); түхеэрэлгэ муутай муугаар бэлдэһэн, дутуу зэмсэгтэй (плохо оборудованный); 2) бэлэдхэл, бэлэн болголго, бэлдэлгэ (снаряжение, сборы): Түрөөр Хандаяа хүргэжэ үгэхэб гэжэрхиһэн Холхой шэнэ байшанайнгаа барилгые намар болотор орхижо, басаганайнгаа түхеэрэлгэдэ хам ороо һэн (Д. Эрдынеев); һүүлшын түхерэлгэнүүд ямар нэгэн арга хэмжээ эхилхэһээ урид хэжэ байһан юумэеэ бэлдэжэ дууһаха (последние приготовления): Тэдэнэр болохоёо байһан найр нааданда һүүлшын түхеэрэлгэнүүдые хэжэ, ехэл сүлөөгүй байнад (Ц.-Ж. Жимбиев); ○ бэлэдхэл гэжэ үгэтэй парн. хэрэгл.