ТҮРЭЛТЭ(Й)

(Й): буса түрэлтэ (й) юум. н. ондоо яһатанай (инородческий): Манай буса түрэлтэ албатанарые харшалдаг, туляадаг хүнүүдэй голдонь хүрэхэ хэрэгтэй (Б. Санжин, Б. Дандарон); Зүгөөр хойто зүгэй зон буса түрэлтэй, бурхан шажан ондоотой, буруу энгэртэй дэгэл үмдэдэг юм (Б. Санжин, Б. Дандарон); хутагта түрэлтэ дээгүүр зиндаатай ламанарта хандаһан үгэ (святейшество): хутагта түрэлтэ та; гэгээн түрэлтэ тайжа, гүн, мүн тэдэнэй һамгадта хандаһан үгэ (сиятельство): – Гэгээн түрэлтэ, гүрэнэйнгөө нүгөө һүлдэ тэмдэг болохо туг абаха тухайгаа зондоо элидхэгты (С. Норжимаев); үндэр түрэлтэ түрэ бариһан гэрэй гэшүүдтэ хандаһан үгэ (высочество): Үндэр түрэлтэ Александр Амар шадарай губерниие үгы хээд, таниие эльгээ бэшэ! (Д. Батожабай); үндэр түрэлтэ хатан түрэ бариһан гэрэй гэшүүдэй һамгадта хандаһан үгэ (высочество): Гүрэн түрэдэ харша үзэл бодолтой болоһон хэдэн олон хүнүүд, зарим корольнуудшье, тэдэнэй үндэр түрэлтэ хатадшье энэ түрмын оёорто зобоод, һүүлдэнь саазалуулдаг байгаа (Д. Батожабай); hайн түрэлтэй һайн үүлтэртэй (породистый – о лошади).