ТҮРГӨӨР

наречи хурдаар, бушуу, шамдуугаар, шуумгайгаар (быстро): Бодолгодо хатажа, уруу дуруу болоһон Должон түргөөр ябаһан поездын нэгэ жэгдэ доһолоондо дууража, һажан алдана (Ц. Дон); бушуу (гү, али шууд, хурдан) түргөөр бушуухан, шамдуугаар (быстро): Хүбүүдшье бушуу түргөөр хажуурнуудаа абажа, баруун урдахи һудалай эхиндэ ошожо, бургааһанай захын болдогтой газарай ногоое һахы һалаг сабшажа оробод (Г.-Д. Дамбаев); Шууд түргөөр ябажа, богонихон саг соо ехэнхи замаа гаталһан Цэрэн зүүн шэлэдэ аһажа ябахадаа хэды дахин оогложо туршаба (Д.-Д. Дугаров); Энэ хаатаршаншни баһал нам шэнги үргэн талаяа үгсэжэ уруудажа, хурдан түргөөр харайлсаха дуратай шолмо ха юм (Ц. Шагжин); яаралтай түргөөр шамдуугаар, һабандуугаар, мэгдүү тэбдүүгээр, шамдуун (спешно, торопливо): Удангүй хариин эзэмдэгшэд болон сагаан гвардиинхидай ерэһые дуулахадаа хэмгүй ехээр баярлажа, яаралтай түргөөр тэдэнэй зэргэдэ ошожо ороһон байна (Б. Мунгонов); түргэ түргөөр лугшаха шангаар, түг-түг байса сохилхо (часто биться – о сердце).