ТҮЛБЭРИ

юум. н. ямар нэгэн юумэнэй (зээли г.м.) түлөө үгтэхэ мүнгэн (плата, взнос): Бог шорой гаргахын түлөө түлбэри хүнгэлэлтэтэй болгохо талаар ажал ябуулха даалгабари Буряадай толгойлогшо үгэбэ (Буряад Y нэнһөө); түлбэри мүнгэн, мүнгэн түлбэри ямар нэгэн юумэнэй (зээли г.м.) түлөө үгтэһэн мүнгэн (денежные платежи или взносы): Эдеэнэй согсолбори суглуулжа, тэрэниие гэр гэрээрнь тараалга нэмэлтэ мүнгэнэй гаргашалгатай болоно. Тиимэhээ, гэртэхиндэнь мүнгэн түлбэри түлэхэ гэжэ шиидхэбэри абтаhан байна (vtinform. com); түрүүшын түлбэри зээлеэр гэр байра абахада худалдан абагшын өөрөө түлэхэ мүнгэн (первоначальный взнос): Эгээл иимэ мэргэжэлтэдээр Алас Дурнын ипотекэ абхуулха тухай ид халгын ажал ябуулнабди. Теэд тон үсөөнөөр багшанар энээндэ орол соно. Юундэб гэхэдэ, олонхинь түрүүшын түлбэри оруулха арга үгы (Б. Балданов); нэмэлтэ түлбэри салинһаа гадна үгтэдэг мүнгэн (дополнительные выплаты): Улаан-Үдэ хотын 83 һуралсалай гуламтануудта залуу мэргэжэлтэд тэ нэмэлтэ түлбэри үгтэнэ (Б. Балданов); мүр бүриин түлбэри оршуулһан мүр бүри үгтэһэн мүнгэн (построчная плата); алба түлбэри хууш. хуулита ёһоор түлэгдэхэ мүнгэн зөөри (взнос подати); албан түлбэри засагай газарай албан зургаануудай тусхай үйлэ хэрэгүүдэй түлөө эрхэтэдhээ болон эмхинүүдһээ абтадаг уялгата түлбэри (сбор); зүбшөөрэлэй албан түлбэри ухаалан зохёогшын үнэмшэлгые гү, али эд гаргаха зүбшөөрэлые хэрэглэхэ тусхай түлбэри (лицензионный сбор).