ТҮГЭСХЭХЭ

үйлэ ү., идх. залог 1) дүүргэхэ, дууһаха, эсэтэнь хүргэхэ (заканчивать, завершать): Тиибэшье гарайнгаа часы харахадань, хоёр сагһаа үлүү болошоод байхадань, хэшээлээ түгэсхэхэ гэжэ бодобо (Ц.-Ж. Жимбиев); хэрэг түгэсхэхэ хэрэг дүүргэхэ, дууһан хэхэ, шиидхэхэ (завершать дело): Ерэхэ үбэлэй тоосоото һунгуулиин суглаан дээрэ Дамчеевэйнгээ кандидатурые табижа, энэ хэрэгээ түгэсхэхэ байнабди (Б. Мунгонов); хөөрэлдөө түгэсхэхэ хөөрэлдэжэ дууһаха, хэлэхэ юумэеэ хэлэхэ (ставить точку в разговоре): Тиигээд Ринчин басаганһаа бэшэг бэшэхэ үгыень абаад, хасарыень таалабаб гэжэ уралаа тамшаагаад, хөөрэлдөөгөө түгэсхэбэ (С. Цырендоржиев); 2) дунда гү, али дээдэ һургуулида һуралсалаа дүүргэхэ (оканчивать учебное заведение, выпускаться): Бултанай урда энэ жэлдэ арбадахи класс түгэсхэжэ гарахаяа байһан хорёод гаран һурагшад зогсоно (Ц.-Д. Хамаев); 3) тобшолхо, тобшолол гаргаха (делать вывод, заключение): – Тиимэ жаахан онгосоор холо ошожо шадахагүй, – гэжэ Большаков түгэсхэбэ (Б. Мунгонов).