ТУШААЛДАХА

үйлэ ү., угталд. залог 1) һанагдаагүйгөөр, урид мэдэгдээгүйгөөр дайралдаха, тудаха, тохёолдохо, уулзалдаха (случайно попадаться, встречаться на пути): Энэ тэрэ нютагуудаар тушаалдадаг хүйтэн, халуун, гашуун охитой, элдэб шэнжэтэй, эмтэй домтой уһан бэшэ ха юм (Ц.-Ж. Жимбиев); тушаалдажа ушарха гэнтэ, һанагдаагүйгөөр уулзаха (случайно встретиться): Тиихэдэ поезд эгээл мүнөө үдэрэйхидэл, урагшаа тэгүүлжэ, баруулжаа бэшэ, харин Буряад нютаг руу яаража, юрэл тушаалдажа ушарһан хүбүүн басаган хоёр үгэгүйгөөр хөөрэлдэжэ ябаа һэн (З. Гомбожабай); 2) тудаха, тохёолдохо, ушарха (выпадать, случаться): – Дулма, энэ уулзалгамнай миил тушаалдаа бэшэ, хуби заяамнай бидэниие дахин уулзуулаа, – гэжэ Дамба хоолойгоо шэшэрүүлэн хэлэбэ (Д.-Д. Дугаров); хэлээшын тушаалдаха хүнэй хэлэһэн юумын тудаха, ушарха (сбываться – о чьих-л. словах): Хэлээшээрни нэгэш юумэн тудалдажа үзөөгүй юм, харин Гонгорто тиихэдэ хэлээшэмни тушаалдаашань гайхалтай (З. Гомбожабай); тушаалдаһан ажал байнгын бэшэ, эндэ тэндэ тудалдаһан ажал (случайная работа): Һүүлэй һүүлдэ нютаг зоной тэсэхэ аргань һалажа, хуулирхуу Золто бригадир тушаалһаа зутар муухайгаар сүлөөлэгдөөд, улад зоной шоодбри болонхой, тушаалдаһан ажал хээ (М. Осодоев).