ТУШААЛГА

юум. н. 1) тушаажа үгэлгэ (сдача): – Би арга олдобол, нооһо тушаалгын дүүрэмсээр, Ара Тори, Химнеэр ябаха һанаатайб (Д.-Д. Дугаров); мяха тушаалга мяха гүрэндэ үгэлгэ (сдача мяса): Хүгшэрһэн хонидоо мяха тушаалгада үгөөд, элдэб отараһаа суглуулагдаһан тулюур, туранхай, түрүүшынхеэ хурьгалха хонидтой (Ш.-С. Бадлуев); таряа тушаалга тариһан ургасаяа гүрэндэ үгэлгэ (сдача хлеба): Гүрэндэ таряа тушаалгые аймаг арай шамай дүүргээ (Ж. Тумунов); һайн дураараа шуһаяа тушаалга үбшэн, шархатай зондо шуһаяа гү, али шуһа бүридхэдэг хубиие үгэлгэ (донорство): Улас дотор һайн дураараа шуһаяа тушаалга тухай хуулиин хэр бэелүүлэгдэжэ байһан тухай асуудал Арадай Хуралай соведэй ээлжээтэ зүблөөндэ мүнөөдэр харагдаба (infpol. ru); 2) шалгалта гаралга (прохождение испытания, экзамена): 2021 онһоо буряад хэлээр ЕГЭ тушаалга түсэблэгдэнэ гэжэ Буряад Уласай болбосоролой болон эрдэм ухаанай сайдай орлогшо Галина Фомицкая харюу бариба (vtinform.com); 3) түрмэдэ хаалга (арест): Карийска политическэ каторжна түрмэдэ Чарушин гэжэ революционерэй тушаалгаар ерэхэдэнь, тэрэнэй һамган энэ түрмын дэргэдэ байгаа тосхон ерэлсэжэ, али шадаха соогоо хоол суглуулжа, үбгэндөө үгэдэг һэн (Д. Батожабай).